Lugo, punteiro de novo

Hoxe saltaba nos medios de comunicación a noticia: o Ministerio de Agricultura anunciou a presenza do novo Laboratorio Nacional de Sanidade Vexetal nada máis e nada menos que en Lugo.

Fronte as novas pragas e patoloxías froito dos devenires climáticos ou do comercio intensivo internacional que facilita as migracións destas poboacións, a investigación toma unha posición central na loita polo desenvolvemento do agro, así como polas consecuencias existentes na nosa contorna natural.